ஆர்எஸ்எஸ் எனும் மர்மதேசம்

தமிழகத்தில் ஆர்எஸ்எஸ்சின் செயல்பாடுகளை அறிந்து கொள்ள அதன் துணை அமைப்பாகிய இந்து முன்னணியின் அதிகாரபூர்வ இணையதளம் உதவியது. அதில் அது தனது சாதனைகள் என்று வெளியிட்டுள்ள ஆவணம் நல்ல தரவாக இருந்தது. இவற்றோடு அவ்வப்போது சந்தேகம் வரும்போதெல்லாம் அவற்றைத் தீர்த்து வைக்கும் வகையில் கூகுளில் நல்ல சாட்சியங்கள் கிடைத்தன. எதற்கு இதையெல்லாம் சொல்கிறேன் என்றால் இது சிறு நூல் என்றாலும் இதன் பின்னால் உள்ள உழைப்பு சிறியது அல்ல என்பதை உணர்த்தவே. சங் பரிவாரத்தினர் ஆதாரமின்றி எத்தனையோ விஷயங்களை அவிழ்த்து விடுவார்கள், ஆனால் பிறரை நோக்கி மட்டும் "எங்கே ஆதாரம்?" என்பார்கள். அவர்களுக்காக மட்டுமல்லாது, நியாய உள்ளம் படைத்த நல்ல வாசகர்களுக்காகவும் உரிய ஆதாரங்களுடன் இந்த நூல் தரப்பட்டுள்ளது.